CEBU, Philippines — May kahigayunan na usab ang pound-for-pound king ug unified lightweight world champion nga si Vasiliy Lomachenko nga palig-onon iyang legasiya sa iyang pagdepensa s aiyang mga bakus batok sa sama niya nga kanhi Olympic gold medalist nga si Luke Campbell karong adlawa didto sa London.
Si Lomachenko manalipod sa iyang WBO ug WBA title ug sa susamang paagi musuway pagsakmit sa WBC belt batok ni Campbell kinsa gilauman nga makahatag og nindot nga duwa batok sa labing dominanteng boksidor karon. Ang Ukrainian mao usab ang hari sa IBF.
“Four belts, it means you are the best in your weight class. The best,” matud pa ni Lomachenko sa ESPN5. “You are one world champion, not four world champions. One.”
Migawas nga dakong paborito si Lomachenko nga mudaog, apan si Campbell dili basta-basta tungod kay mas taas ni Lomachenko.
“It’s a tough fight,” matud pa ni Lomachenko. “A lot of people talking about, ‘Oh, it’s an easy fight. Who is Luke Campbell?’ But they don’t understand boxing.”
Si Lomachenko midugang nga wala siya gahuna-huna nga musaka og timbang kung ugaling mudaog siya batok Campbell, apan hinuktukan pa niya ang sunod niyang lakang inig human na sa sangka.