CEBU, Philippines – Mipasalig si reigning MVP Giannis Antetokounmpo sa Milwaukee Bucks nga makatampo og dako sa ilang kampanya sa sunod season sa NBA ang pagduwa sa iyang maguwang nga si Thanasis Antetokounmpo sa maong koponan.
"This is a dream come true for us," matud pa ni Giannis sa USA Today. "He will provide us with great support."
Si Thanasis nga beterano sa Euroleague, gipapirma og kontrata sa Bucks ug gilauman nga makahatag siya og igong suporta sa koponan gikan sa bench.
Ang 6-foot-7 nga si Thanasis mi-average og 7.8 points ug 3.8 rebounds uban sa Liga ACB sa EuroLeague.
Sa wala pa siya miduwa sa Euroleague, si Thanasis unang miduwa sa NBA human gikuha sa New York Knicks sa 2014 Rookie Draft, apan wala kini mahatagi og higayon nga makapakita og aksiyon.
Sa dili pa ang NBA action, ang managsuong Antetokounmpo mag-uban una sa Greece national team atol sa World Cup karong Agosto didto sa China.