CEBU, Philippines – Kapin sa dos mil ka runners ang maginukdanay sa Hunat Sugbu 9 karong Domingo diha sa The Terraces sa Ayala Center Cebu.
Ang lumba nga gimugna pahinungod ni anhing Manuel Go Ting, ang founder sa Cebu Parklane International Hotel, naglangkob sa 3K, 6K, 12K ug 12K category.
"Nagpasalamat ko sa tanang mga runners nga hangtod karon padayong nisalmot sa ika-9 na nga event sa Hunat Sugbu. We
hope nga ang mga participants mo-agree sa among advocacy on our minimal trash campaign by bringing their own hydration bottles and hoping in the future Hunat Sugbu (series) wala na unta'y papers, plastic cups nga makit-an nato sa mga water stations," matud pa ni Hunat Sugbu 9 chairman Nicanor Nacorda.
Ang lumba usa ka charity event ug ang matigom nga salapi gamiton sa medical mission sa Jesu Christi.
Moabot ngadto sa P72,000 ang ganting salapi ang gitagana alang sa mananaog sa matag kategoriya.