CEBU, Philippines — Nagpanagana karon ang Rain or Shine Elasto Painters kun ila ba nga kuhaon og balik ang higanteng import nga si Reggie Johnson isip import nila sa PBA Commissioner's Cup.
Si Johnson gisaaran na sa Painters nga kuhaon pagbalik tungod sa nindot niini nga performance sa miaging season diin gitabangan ang koponan nga moabante sa semis.
Hinuon, si coach Caloy Garcia miingon nga naglibog sila kun ila ba nga kuhaon ang 6-foot-10 import tungod kay wala na kini miduwa pa og torneyo sukad sa miaging tuig.
Si Johnson dako ug kusgan nga player, apan nakita nga hinay na ang lihok niini tungod sa tambok itandi sa ubang import.
Si Garcia midugang nga dili siya mosugal kun ugaling wala sa kondisyon si Johnson.