CEBU, Philippines – Suspendido og tulo ka duwa si Toronto Raptors forward Serge Ibaka, samtang si Marquese Chriss sa Cleveland Cavaliers gipamatangan og usa ka duwa nga suspensiyon gumikan sa nahitabong kalandrakas tali nilang duwa.
Niadtong Martes atol sa 126-101 nga kadaogan sa Cavs batok sa Raptors, miulbo ang kagubot tali nilang Ibaka ug Chriss.
Dali ra hinuon nga nauwang ang duha human sa insidente sa katapusang bahin sa ikatulong kuwarter. Parehong na-ejected sila si Ibaka ug Chriss.
Sa usa ka opisyal nga pamahayag, ang NBA mipasabot nga mas bug-at ang silot ni Ibaka gumikan kay mao kini ang nagpasiugda sa gubot pinaagi sa paghapos og kumo ngadtong Chriss.
Samtang si Chriss gilabtikan sa liga gumikan sa pagbawos ngadto ni Ibaka.
Si Chriss nagsilbe sa iyang suspensiyon kagahapon atol sa ilang duwa batok sa Philadelphia 76ers.
Samtang si Ibaka magsugod sa iyang suspensiyon karong Biyernes sa dihang ang Raptors mo-host sa Los Angeles Lakers.