CEBU, Philippines – Ang Go For Gold-backed Talisay Luigi Triathlon Group moparada og 22 ka mga pambato sa buena manong aksiyon sa 2019 National Age-Group Triathlon (NAGT) Series karong Domingo didto sa Subic Bay Freeport.
Mangu sa kampanya sa TLTG mao sila si Kim Remolino ug Alfred Pacabis nga makig-harong batok sa labing banggiitan nga mga triathletes sa nasud sa men's elite standard class.
Si Batang Pinoy standout Nicole del Rosario mopakita'g aksiyon sa female elite sprint, samtang si Moira Erediano molumba ubos sa super sprint.
Gawas sa TLTG, ang pambato sa Omega Tri Team nga si Jorry Ycong ug ang kanhi niining teammate nga si Paul Jumamil mokumbati sab sa men's elite standard, samtang si Rue Panibon sa Organmique mopakita'g aksiyon sa women's elite standard.