CEBU, Philippines – Wa pay usa ka semana human siya buhii sa NorthPort Batang Pier, ang veteran forward nga si Gabby Espinas nadugang karon sa pwersa sa Meralco Bolts alang sa nagsingabot nga season 44 sa PBA.
Ang 37-anyos nga si Espinas masaligan nga rebounder ug defender rasun nga midaog siya og titulo sa San Miguel Beermen, apan wala kaayo siya nagamit sa NorthPort sa miaging Governors Cup.
Hinuon ang Meralco daling misagop kaniya tungod kay nakita ni coach Norman Black nga daku og matampo si Espinas ilabi na nga mga batan-on ang ilang bigmen.
Si Espinas maoy muhulip sa posisyon ni Jason Ballesteros kinsa dili pa kaduwa tungod sa seryosong injury.