CEBU, Philippines — Midaog sa ikaduhang sunod-sunod nga higayon ang Lycans pinaagi sa paglubong sa DACI-Ballers, 104-89 sa NorthBall 2K19 basketball tournament niadtong Sabado didto sa Magay, Compostela gym.
Sa duwa niadtong Biyernes, ang D' Barrs nakabawi sa ilang kaparotan dihang ilang gipahimungtan ang D' Innocent, 98-87.
Ang D' Barrs ug D' Innocent pareho na nga nagbitbit og 1-1 nga baraha.
Sa laing bahin, si Jayson D. mipabuhagay og 23 puntos aron mangu sa Lycans nga temporaryo karong nag-una sa bracket A standing sa ilang 2-0 nga baraha.
Gumikan sa iyang maayong salida, si Jayson maoy napiling best player of the game.
Midaog sab ang The Good Son pinaagi sa pagdemolis sa Fitness Groove 104-71 sa bracket B.
Si E. Rondina miposa og 14 puntos nga igo na kaayo alang kaniya aron ilhon nga best player of the game.
Ang The Good Son nagbitbit na og 1-0 record, samtang 0-1 pa ang Fitness Groove ning maong liga nga gipadagan sa Thirdy's Jersey.
PUNTOS MATAG USA
(Dec. 28)
D'BARRS (98) – Esperat 21, Bravo 19, Paradiang 17, Hermosilla 15, Ramoneda 6, Batucan 5, Batulan 4, Meca 4, Casas 2.
D' INNOCENT (87) – Pareja 20, Cabahug 18, Calo 17, Donor 8, Montero 7, Tudio 6, Manning 5, Cabusas 4, Villaruel 2.
(Dec. 29)
LYCANS (104) – Jayson 23, Capuno 22, Bejoc 15, N. Suico 14, Banzon 13, Abella 9, Cal 6, Bonjoc 2.
DACI-BALLERS (89) – Casas 28, Calderon 20, Moral 12, Meca 11, Montes 7, Lawas 4, Granada 4, Casona 2, Juntilla 1.
THE GOOD SON (104) – Rondina 14, Auman 12, Avila 11, Lavador 11, Batucan 10, Meca 10, Torralba 10, Ulaguir 8, Terado 7, Gomez 6, Bughao 3, Capuyan 2.
FITNESS GROOVE (71) – Dagatan 35, Hinlas 16, Rodriguez 7, Oliverio 5, Capangpangan 4, Aviles 2.