CEBU, Philippines — Gipahibalo ni Phoenix Fuel Masters coach Louie Alas nga ang Fil-American ug sakop sa Gilas cadets nga si Abu Tratter ang gusto nilang kuhaon sa umaabot nga PBA Rookie Draft nga napuno sa mga maayong laking guwardiya sama nila ni Ray Parks Jr., CJ Perez ug Robert Bolick.
Apan si Alas miingon nga wala sila manginahanglan og guwardiya kun dili usa ka masaligang bigman nga maoy kuwang sa ilang koponan.
Ang 6-foot-6 nga si Tratter sinaligang forward sa De La Salle University nga mikampiyon sa UAAP niadtong 2016. Ang iyang abilidad mao usab ang hinungdan nga giapil siya sa Gilas pool pangandam sa 2023 World Cup.
Kun makuha gyud sa Phoenix, si Tratter moduwa uban sa kanhi niya collegiate teammate ug No. 1 Rookie of the Year candidate nga si Jason Perkins.