CEBU, Philippines – Ang national team bigman ug All-Star nga si Raymond Almazan gikataho nga wala na miapil sa team practice sa Rain or Shine Elasto Painters nga nagsugnod sa pagduda nga i-trade kini sa koponan.
Si Almazan giingon nga adunay giatubang nga personal nga problema ug sa iyang team ug kun dili mahilot, hayan nga mangita na kini og laing koponan.
Ang mga kadagkoan sa Painters miingon nga makighinabi sila ni Almazan aron masuta kun unsa gyud ang problema ug kun interesado pa ba kini moduwa uban sa Rain or Shine. Wala hinuon giklaro sa team management kun pahamtangan ba og silot si Almazan sa kalit niini nga pagkawala nga way pananghid.
Ang sitwasyon ni Almazan sama sa nahitabo ni Calvin Abueva uban sa Alaska Aces nga miresulta sa pag-trade niini ngadto sa Phoenix Fuel Masters.