CEBU, Philippines – Sugdan na sa Meralco Bolts ang ilang kampanya sa 2019 FIBA Asia Champions Cup pinaagi sa pagsulong sa host team Mono Vampire Thailand didto sa Stadium 29 sa Nonthaburi, Thailand.
Ang Bolts laraw nga ibalik sa Pilipinas ang kampiyonato sa FIBA Asia Champions Cup nga katapusang natilawan niadto pang tuig 1996 human sa kalampusan sa Hapee Toothpaste.
Gawas sa Thailand, laing mga misalmot sa torneyo naglakip sa Alvark Tokyo sa Japan, Al Riyadi Lebanon, Chinese Taipei, Liaoning Flying Leopards sa China, Korea Knights ug Iran Petrochimi.
Ang Meralco mikuha og duha ka import sa maong torneyo nga sila si Allen Durham ug 7-footer nga si Liam McMorrow.