CEBU, Philippines — Gipakita sa Minnesota Timberwolves nga dili sila apektado sa paghawa sa usa nila ka All-Star nga si Jimmy Butler tungod kay mas prayoridad nila ang rising star nga si Karl Anthony Towns.
Ang T-Wolves mipapirma ni Towns og five-year contract kagahapon nga nagkantidad og $190 million.
Ang pagpirma ni Towns dungan usab sa pag-anunsiyo sa mga kadagkuan sa Wolves nga buhian si Butler kinsa mipadayag nga wala na siyay gusto sa koponan.
Ang No.1 pick ug Rookie of the Year niadtong tuig 2015 nga si Towns maoy nahimong leading scorer sa Wolves sa miaging season diin siya mi-average og 21.3 points, 12.3 rebounds ug 1.4 blocks. (BANAT NEWS)