CEBU, Philippines — Si Ian 'Yanyan' Lariba nga nirepresentar sa Pilipinas sa table tennis competition sa 2016 Olympics didto sa Rio de Janeiro, Brazil gibawian na sa iyang kinabuhi niadtong Domingo.
Sakit nga leukemia ang hinungdan sa kamatayon ni Lariba. Namatay siya sa edad nga 23-anyos.
Ang Philippine Sports Commission (PSC) maoy mipahibalo sa pagtaliwan ni Lariba pinaagi sa ilang official Twitter account.
Si Lariba gidayagnos nga may sakit nga leukemia niadtong Mayo 2016 pipila ka bulan human sa iyang pagduwa sa Olympics.
Isip sinaligan sa De La Salle University Green Archers table tennis team, iyang gipangulohan ang koponan pagsakmit sa titulo sa UAAP Season 77.
Si Lariba nahimong MVP sa makatulo ka higayon (Seasons 75- 77 ug 78 ug napasidunggan isip Athlete of the Year sa duha ka sunod-sunod nga higayon (Season 77 ug Season 78). (BANAT NEWS)