BAYUGAN CITY, Agusan del Sur, Philippines –Tulo ka kanhi high school basketball stars sa Sugbo ang hinay-hinay nga mihimo og pangan alang sa ilang kaugalingon, ning higayona sa mas lisud nga collegiate level uban sa National University (NU) Bulldogs.
Ang tulo mao sila si Patrick Yu ug Joshua Sinclair gikan sa Sacred Heart School-Ateneo de Cebu (SHS-AdC) Magis Eagles ug Joshua Flores gikan sa University of the Visayas (UV) Baby Lancers.
Silang tulo nagkumboya'g 15 puntos sa 93-60 nga demolisyon sa Xavier University-Ateneo de Cagayan Crusaders pagsugod sa Mayor Kim Lope A. Asis Collegiate Invitational Basketball Tournament 2018 niadtong Martes sa gabii dinhi sa Lope Asis Memorial Gymnasium.
"I'm just blessed to have been given this opportunity to play for a big league in Manila. I thank God that NU took notice of my skills and get me into their basketball program," matud pa ni Yu nga nakadaog og duha ka titulo uban sa Magis Eagles sa Cebu Schools Athletic Foundation, Inc. (CESAFI).
Sama ni Yu, si Sinclair mapasigarbuhon sab sa kahigayonan nga makasul-ot sa uniporme sa Bulldogs sa University Athletic Association of the Philippines (UAAP) sud sa tulo na ka tuig.
"I'm not only proud to be given this chance but also grateful to be part of this great basketball program," sumala pa ni Sinclair nga gitandi ni PBA star JC Intal sa dihang nalandig siya sa Bulldogs niadtong 2016.
Isip sakop sa Magis Eagles, si Sinclair mitabang pag-agak sa SHS-Ateneo ngadto sa CESAFI Juniors title niadtong 2014 ug ingon man sa NBTC Championship batok sa San Beda Red Cubs tulo ka tuig ang milabay.
Sa iyang bahin, si Flores nalingaw nga makauban og duwa ubos sa usa ka team ang kanhi niya mga karibal.
"I'm really happy that they (Yu and Sinclair) are my rivals once but now we play together under one team," matud ni Flores. "Hopefully, we will all be able to deliver what is expected of us by NU."