CEBU, Philippines — Gibana-bana nga mokapin sa 200 ka mga elite mountainbikers gikan sa Asya ang mosalmot sa 24th Asian Mountain Bike Championship sa Mayo 2 didto sa dakbayan sa Danao.
Ang maong lumba naglangkob og cross country ug downhill categories alang sa men, women ug juniors.
Ang cross country adunay gilay-on nga 4.5 kilometros sa patag nga dalan, samtang ang downhill dunay gilay-on nga 1.5K.
“We are 80 percent ready, we are just doing some final touches. The technical officials from Switzerland will be arriving this week to check the race course while the participants will be arriving this weekend as well,” matud pa ni Danao City Sports Commission chairman Oscar ‘Boying’ Rodriguez.
Gilauman nga 18 ka mga nasud ang mopadala sa ilang mga riders sa maong kalihukan.
Sa iyang bahin, si 5th District Representative Red Durano nagkanayon nga dakong garbo kanila nga mo-host pag-usab sa maong lumba.
Ang maong lumba gisuportahan sa Union Cycliste Internationale (UCI) , Cebu Province ug Philippine Sports Commission.