CEBU, Philippines — Misaka og usa ka ang-ang ang Gilas Pilipinas sa labing uwahing ranking nga gipagawas sa FIBA.
Ang Gilas nga miabante na sa second round sa 2019 World Cup qualifiers, anaa karon sa ika-30 nga dapit gikan sa rank 31. Bisan pa og usa ka ang-ang ra, dakong butang kini sa national team tungod kay napamatud-an nila nga usa sila sa mga labing lig-on nga koponan sa Asya. Ang Gilas nga adunay 3-1 record sa qualifiers, ikaupat sa adunay labing taas nga ranking sa Asian Zone sunod sa Australia (rank 10), China (12) ug Iran (22). Ang Japan ug Chinese Taipei nga gikasangka usab sa Gilas sa group stage natagak sa 48th ug 55th.
Ang Team USA gihapon ang hari sa kalibotan sa basketbol, gisundan sa Spain, France, Serbia ug Argentina. (BANAT NEWS)