CEBU, Philippines — Sila si Cegrende Codera ug Junela Mahusay maoy migawas nga labing paspas sa 21K open sa Cebu leg sa Hope Run kagahapon didto sa Cebu Business Park.
Si Codera naghari sa 21K men's sa oras nga 1:35:08, gisundan ni Gabe Branzuela (1:42:14) ug Al Castillon (1:42:56) alang sa ikaduha ug ikatulong dapit.
Sa women's class, si Mahusay nag-una sa oras nga 2:22:00. Ikaduhang dapit si Diana Balungcas (2:03:06) samtang si Jeleta Vitor (2:03:08) milublub sa ikatulong luna.
Sa ilang bahin, sila si Noel Tillor ug Nia Aldeguer maoy nanghawud sa 10K.
Si Tillor mitapos sa lumba sa oras nga 37:33 gisundan nila ni Melkiades Labos (46:24) ug Rommel Baid (50:47), samtang si Aldeguer (1:02:50) misutoy batok nila ni Wendy Hoare (1:03:51) ug Celeste Guido (1:03:59). — (BANAT NEWS)