CEBU, Philippines - Ang Fil-American sensation ug kanhi NBA D-League cager nga si Ray Parks Jr. mao karon ang record-holder sa labing daghan nga tres nga walay sipyat sa usa ka duwa.
Si Parks maoy mituboy sa Alab Pilipinas sa ilang 99-77 nga kadaugan batok sa Saigo Heat sa miaging gabii didto sa Olivarez College Gym.
Ang kanhi UAAP MVP nga si Parks nga usa karon sa sayong kandidato alang sa MVP sa ABL, mipasud tanang walo niya ka tira gikan sa three-point arc. Mitapos siya sa duwa nga adunay 35 puntos. Gibuak ni Parks ang unang rekord nga gitala ni Taiwanese Wesley Hsu nga wa’y sipyat sa pito niya ka 3-point shots. (BANAT NEWS)