CEBU, Philippines - Ang Cebuana teen swimmer nga si Raven Faith Alcoseba mipakita sa iyang abilidad ug kapaspas sa juniors division sa 79th Universities Athletic Association of the Philippines (UAAP) sa miaging adlaw didto sa Rizal Memorial pool.
Ang garbo sa Talisay City nga si Alcoseba mikabkab og duha ka gold medals uban ang usa ka silver alang sa De La Salle University-Zobel.
Ang 13-anyos nga si Alcoseba nanghawod sa 800m freestyle nga mioras og 09:56.67.
Ang ikaduhang bulawan ni Alcoseba nakuha niya sa 400m freestyle sa oras nga 4:47.53.
Pakyas hinuon si Alcoseba paglabni sa ikatulo unta niyang gold medal dihang nahutdan na siya og kusog sa 400m individual medley. (BANAT NEWS)