CEBU, Philippines – Nakalingkawas ang King Properties sa usa ka bangis nga fourth quarter rally gikan sa RNM2 aron makuha ang 73-65 nga kadaugan sa Game-1 sa ‘best-of-three’ finals sa 1st Contractors Basketball League didto sa Cebu City Sports Institute sa Barangay San Nicolas.
Nangulo sa King Properties mao ang trio nila ni James Cabardo, Marko Velasquez ug Virgin Meriz nga parehong miiskor og double figures.
Milabaw og double digits ang Kings sud sa tulo ka kuwarter, apan nakan-an kini sa RNM2 ngadto na lang sa dos puntos, 63-61, sa katapusang otso minutos sa duwa sa paningkamot nila ni Bryan Toledo ug Royce Abao. Ang Kings milusad og laing rally aron mainat ang labaw.
Sa duwa alang sa ikatulong dapit, ang JM Salera milubong sa Mecu Fire PRO, 88-52.
Puntos Matag Usa
King Properties (73) – Cabardo 15 Vasquez 13, Meriz 12, Rosaluna 10, Mirasol 7, Pavo 6 Mellomida 2, Adlawan 2, Zulueta 2
RNM2 (65) – Toledo 16, Abao 14, Maratas 7, Caballes 9, Pasculado 9, Nacario 6. (BANAT NEWS)