CEBU, Philippines - Nadakpan ni Mikhail Wu sa Deftac Cebu og usa ka toe-hold lock ang walang tiil ni Elmar Valmores aron makuha ang daog sa labing unang HASI Submission Grappling Challenge sa miaging adlaw didto sa SM City-Cebu Trade Hall.
Kulbahinam ang duwa tali sa duha ka mga banggiitang grapplers, apan si Wu ang mipatigbabaw sa maong pagdinumugay dihang nadakpan niya ang tiil ni Valmores ug giliso kini hinungdan nga misurender ang nauwahi sa katapusang minuto sa sangka.
Sa supporting match, ang veteran mixed martial arts fighter nga si Arnel Ylanan sa 90/EIGHT BJJ midaog pinaagi sa arm-lock sud sa dos minutos batok ni Duane Gacasan sa Deftac Cebu ug Yaw-Yan ArDigma.
Midaog usab ang teammate ni Ylanan nga si John Dulap batok ni Firoze Singh sa Deftac Cebu pinaagi sa heel-hook lock. (BANAT NEWS)