CEBU, Philippines – Ang ikatulong edisyon sa tinuig nga VMA Power Open Chess Tournament gikatakda karong Disyembre 26-27 diha sa second floor sa Colonnade Mall sa dalan Colon, dakbayan sa Sugbo.
Sugdan ang kumbati sa ala-1 sa hapon.
Gipahigayon uban sa Cebu Executives and Professionals Chess Association (CEPCA), ang makampiyon sa maong 7-round Swiss system competition mobulsa og P4,000, samtang ang mopahiluna sa ikaduha hangtod sa ikaupat nga dapit modawat og P3,000, P2,000 ug P1,000.
Ang malandig sa ikalima hangtod sa ika-10 nga puwesto moangkon og P500 matag usa.
Samtang ang top 3 lady ug kiddie players makadawat og 500, P300 and P200.
Ang rehistrasyon nagkantidad og P100 sa ladies ug kiddies ug P200 sa mga regular players.
Alang sa dugang mga detalye, mahimong mokontak ni FIDE Arbiter Marvin Y. Ruelan sa 0926-7352951. (BANAT NEWS)