CEBU, Philippines - Mihimo og usa ka ‘come-from-behind’ nga kadaugan ang White Sharks batok sa Violet Shooting Stars, 44-40 aron maangkon ang korona sa labing unang basketball tournament sa Cebu Peoples’ Coop didto sa San Nicolas Parish gym, Cebu City.
Unang mipakita og kaagresibo ang mga players sa Shooting Stars nga milabaw og kuwatro puntos sa halftime, 19-15 sa pagpangulo nilang Dennis Sambilad ug Raymond Dela Cruz. Giinat nila ang labaw ngadto sa 11 puntos, 35-26 paingon sa final period.
Apan sa katapusang kuwarter, kalit nabuhi ang dugo sa Sharks human usab milihok ang ‘Best player of the tournament’ nga si Michael Abella, kinsa mihimo’g nuybe sa iyang 14 puntos sa maong kuwarter.
Sa laing bahin, ang Green Warriors miangkon sa third place trophy batok sa Gold Yellow Cager, 50-48.
Sa iyang bahin, si league committee Eric Abistado miingon nga usa ka dakung torneyo pa ang atngan sa sunod season sa liga. (BANAT PALARO)