CEBU, Philippines - Sa labing unang higayon, si Raymund Almazan mihimo sa usa sa labing impresibo
niyang performance sa iyang karera dihang iyang gipangulohan ang Rain or Shine Elasto Painters
pag-iskor og daog batok sa Meralco Bolts, 97-87 sa PBA Philippine Cup kagabii didto sa Smart
Araneta Coliseum.
Si Almazan miburak og 21 puntos ug 17 ka rebounds alang sa Painters nga segurado na
sa automatic semis berth human misaka ang ilang rekord ngadto sa 8-2.
Bisan pa og gikasangka nila ang Meralco (1-10) nga natagak na sa elimination , miagi
gihapon og kakuyaw ang Rain or Shine dihang misikit ang Bolts hangtod sa katapusang dos
minutos sa duwa, 85-80,
Hinuon, nagpadayon ang mga offensive rebounds ni Almazan nga wala kapugngi sa
mga bigmen sa Meralco, samtang si Jeff Chan nangigo usab gikan sa three-point area alang sa
katapusang rally sa final period.
Si Chan mihimo og 24 puntos alang sa Painters nga tuyo nga mosira sa elimination
pinaagi sa laing daog batok sa NLEX Road Warriors karong Sabado. (BANAT NEWS)