CEBU, Philippines – Gipadak-an sa Barako Bull Energy ang ilang tsansa sa quarterfinals dihang ilang gilampornas ang Star Hotshots, 101-83, sa PBA Philippine Cup kagahapon didto sa Smart Araneta Coliseum.
Ang Energy misaka karon sa ikapitong dapit sa standing sa ilang record nga 5-5, diin dako ilang kahigayunan nga masulod sa top eight karon nga naghinapos na ng elimination round.
Nagukod og kwatro puntos sud sa unang tulo ka kuwarter, ang Barako sa pagpangulo nila ni Josh Ubiztondo, JC Intal ug Willy Wilson milusad og bangis nga rally sa final period diin sila mitukod og 88-73 nga labaw sa nahibiling 4:28 sa duwa.
Si Ubiztondo mihimo og team-high 24 puntos, samtang sila si Intal ug Wilson mitampo og 18 puntos matag usa.
Ang Hotshots nga nahagsa sa 3-6 win-loss record nag-atubang karon og lisud nga tahas nga makasulod pa sa top 8 human sa elimination.
Si Mark Barroca adunay 17 puntos alang sa Star, samtang si James Yap miamot og 12 puntos. (BANAT NEWS)