CEBU, Philippines – Nakuha sa Alaska Aces ang solong liderato ug hingpit na sab nga nakasud sa playoffs human sa ilang 89-81 nga kadaugan batok sa NLEX Road Warriors sa PBA Philippine Cup kagahapon didto sa Smart Araneta Coliseum.
Ang Alaska nagbitbit na og 6-1 nga baraha diin daku ilang kahigayonan nga moangkon sa automatic semifinals berth kun magpabilin sila sa unang duha ka luna sa standing.
Hapit tanang players sa Alaska ang nakapuntos alang sa maong kadaugan. Si Sonny Thoss maoy topscorer sa Aces sa iyang 16 puntos.
Ang Aces miposte og 83-66 nga bentaha sa katapusang singko minutos sa wala pa mihimo og katapusang rally ang NLEX aron pahakan ang labaw ngadto sa singko puntos, 80-85.