CEBU, Philippines - Miabot ngadto sa 20 ka teams ang magtige sa 2015 Inter BPOlympics Cebu Season 2 nga gikatakdang sugdan karong Sabado didto sa Innodata Multi-Sports Court sud sa HVG Arcade sa Barangay Subangdaku, dakbayan sa Mandaue.
Ang mga entranteng koponan mao ang Innodata Convergys 1 ug 2, Eperformax, Qualfon, ASI Xlibris, Accenture, The Results, Calltek, Teleperformance, 24/7, United Health Group, Fluor, Telstra, Icomm, Zylun, EZI Connect, Survey Sampling (SSI), 7Core Communications, ug BDO Parkmall.
Ang opening rites sugdan sa alas-8 sa buntag pinaagi sa parada sa mga partisipanteng koponan.
Matud pa ni Vincent Joel Gagno, ang overall sports chairman sa maong kalihukan nga ang mga events nga kumbatihan mao ang volleyball, basketball, badminton ug football nga adto duwaon sa San Roque Parish field karong Nobiyembre 22.
Ang pormal nga seremonyas sa pagbukas sugdan sa alas-8 sa buntag. Apil sa angayan nga atngan mao ang pagpili sa best muse ug ingon man ang dance competition.