CEBU, Philippines – Naka-buena mano og kulbahinam nga kadaogan ang White Stallions pinaagi sa overtime batok sa Green Cobras ni Compostela Hardcourt Club president Rey Gala, 63-62 kagahapon sa pagbukas sa CHC Christmas League basketball tournament didto sa Compostela gym.
Sa opening game, mibulhot dayon gikan sa ilang kuadra ang Red Horse human ilang gipukan ang Red Bull, 82-72 samtang gituhak sa Gold Eagle ang Blue Marlins, 75-69. Miduwa dayon sa opening day ang unom ka teams ug human sa duwa, gihimo dayon ang boodle fight (salo-salo) alang sa paniudto sa mga players.
Ang 42 anyos nga si Gala, maoy finance officer sa regional office sa Bureau of Jail Management and Penology kon BJMP.
Matud pa ni Gala nga matag tuig, tulo ka torneyo ang ilang ipahigayon tungod kay daghan na kaayo ang gusto moduwa og basketball sa Compostela ug nag-anam na sab kadaghan ang ilang mga miyembro.
Ang mga napiling mga opisyales sa Compostela gawas kang Gala mao silang Rudy Puebla, vice-president for internal affairs; Harry Espante isip vice president for external affairs; Nilo Castro, secretary, Bombi Porlas, assistant secretary; Jun Abiera, treasurer; Ronnie Panganiban; assistant treasurer; Glenn Rosal, auditor ug mga PIO's nga silang Joncie Entanto, Noli Diamogan ug Jojo Natad. Ang chairman sa screening committee mao si Jehphel Apas.
Puntos matag usa:
First Game:
Red Horse (82) – Cabahug 23, Juntilla 19, Herbias 13, Tampepe `10, Duyogan 4, Entanto 4, Golisono 3.
Red Bull (72) – Tumulak 12, Castro 10, Morales 9, Cohitmingao 8, Tumulak 8, Tudio 6, Labuen 5, Sernano 2, Cabatingan 2, Castro 2.
Second Game:
Gold Eagle (75) – Castro 25, Getalada 10, Velasco 7, Toledo 7, Rondina 6, Calo 5, Castro 2, Rodriguez 2, Atok 1.
Blue Marlins (69) – Rico 16, Lasut 12, Pepito 8, Ebas 7, Ursos 7, Francisco 5, Bernado 2, Callano 2.
Third Game:
White Stallions (63) – Banzon 16, Calo 11, Abano 10, Vergara 9, Lawas 8, Taneo 4, Lupo 3, Natad 2.
Green Cobras (62) – Son 21, Villegas 11, Gala 6, Son 6, Oposa 6, Porlas 3, Somblingo 3, Entanto 2, Monding 2. (BANAT NEWS)