CEBU, Philippines - Ang veteran trail runner nga si Mereeiz Ramirez ug Noel Narvasa maoy midominar sa 5K division sa Justice League Run kagahapon didto sa SM City-Cebu parking lot.
Si Ramirez mitapos sa lumba sud sa 21 minutos ug tres segundos, gisundan ni Aaliyah Mataragnon sa oras nga 23:25. Si Rona Lacanlale miokupar sa ikatulo sa oras nga 23:57.
Sa iyang bahin, si Narvasa mao sab ang nag-una batok nilang John Praganos (23:25), ug Ricardo Guinto (23:39) nga miangkon sa ikaduha ug ikatulo nga dapit.
Sa 10K action, si Paul Makiling misakmit sa titulo sa men's class sa oras nga 44:08. Gisundan siya ni Ronan Miranda sa oras nga 47:20 ug Ric Fuentes sa oras nga 57:35.
Ang top three finishers sa women’s 10K mao sila si Shiela Aligway (53:34), Helen Deionson (54:16) ug Kay Cundagan (56:34).
Sila si Gerson Casinillo (10:54) ug Jessel Ochoa (12:09) mao ang nanghawod sa 3K class. (BANAT NEWS)