CEBU, Philippines – Nasakmit sa beteranong Rodel Wenceslao sa Team Joeric/Mike Boxing ang bakanteng PBF welterweight title sa mga kamot ni Weng Haya niadtong Sabado didto sa Sabang gymnasium, dakbayan sa Danao.
Si Wenceslao nagkinahanglan og 10 ka hugna aron pagpukan ni Haya.
Human sa away, ang mga hurado nga silang Salven Lagumbay ug Edwin Barrientos mihatag og 98-92 alang sa majority decision, samtang si Arnie Najera miiskor sa away og 95-all.
Ang kadaugan mipalambo sa rekord ni Wenceslao ngadto sa 10-11-1 win-loss-draw, samtang si Haya nakatilaw sa ikaupat niyang sunod-sunod nga away alang sa iyang 17-9 win-loss record.
Si Wenceslao miingon nga andam siyang moaway ni bisan kinsa kay gibansay siya’g maayo ni Edcel Mike Tuñacao. (BANAT NEWS)