Nabulabog man tuod ang schedule sa duwa sa Cebu Schools Athletic Foundation, Inc. (CESAFI) niadtong Agosto 22 ug Agosto 23 apan tataw sa mga e-mails ni commissioner Felix O. Tiukinhoy, Jr. nga gipirmahan sab ni CESAFI president Manny A. Uy, SJ nga usbon ug i-uswag ang schedule tungod kay tulo sa labing dakung political leaders sa atong nasud ang mihimo'g assembly o tigum diha sa Cebu Coliseum, ang opisyal nga benyu sa CESAFI 2015 ug sa miaging mga katuigan.
Tugoti ako mga suki nako sa SPORTSgab nga mopadayag sa akong kaugalingon nga panahom aron ato sab masabtan ang rason nganong nahitabo kini.
Ato na lang angkonon nga sukad sa atong pagkahimugso ug sukad pa sa panahon sa atong mga apohan, wala man tingali dili mausab sa mga politiko. Kung ilang ma-usab ang Philippine Constitution, ang duwa na lang kaha sa CESAFI maoy dili?
Dili lang kay kana ra, hasta pa gani imong kinabuhi kalabot ang lifestyle mausab sa politiko. Kung imong higala ang presidente sa Pilipinas, sayon ra kaayo nga mo-asenso ka sa imong kinabuhi kay hatagan ka man og maayong pwesto sa gobiyerno.
Ug kung ang usa ka politiko pananglit (usbon nako pananglit lang) nga usa ka alumnus sa USC, SWU o sa UV nga mohangyo nga ipa-uswag ang duwa sa CESAFI kay motan-aw siya, dili kaha ka motuman sa iyang hangyo? Ug kung dili ka motuman, ingnon ko ikaw bakakon ka kay botbot kanang imoha. "Tell it to the Marines," matod pa nila.
Tinuod, dunay medyo nakapabor ug adunay medyo dehado sa mga schedule ilabi na kadtong ubang team nga matumngan sa sagunson nga duwa ug sa mga teams nga mas daghan ang pahuway.
Duha ra gyud ka matang ang kinabuhi diha sa CESAFI... ang nakapabor ug ang nalupigan sama nga duha ra sa'y resulta nga atong makita diha sa korte---ang modaug ug ang mapilde. Kining tanan maoy rason nganong gusto kitang mosaksi sa duwa---mga ordinaryong fans, supporters sa mga unibersidad ug mga mediamen ug ambot angay ba kining kahibudngan.
Sa akong obserbasyon, duha lang ka teams karon ang wala moreklamo sa schedule ug kana mao ang USC Warriors kay kanunay silang modaug ug ang USPF Panthers nga bisan og kanunay pilde, gustong pirme moduwa hangtod sila modaog.
Dili man sab tingali bag-o kanato nga mag-usab usab ang schedule sa CESAFI kay hapit matag tuig duna may schedule nga mausab ilabi na kung mohangyo ang team nga dili moduwa nianang adlawa kay duna sila'y exam ug wala'y commissioner nga naa sa hustong pangutok ang mobalidad. Balido kana nga hangyo sama sab kabalido nga ang atong mga politiko moduaw dinhi sa Sugbo kay sa higayon nga dili na sila moanhi, ilang pagtan-aw sa Sugbo baho ug dunot na gyud kaayo.
Sabton nato ang sitwasyon sa CESAFI ug dili ang sitwasyon sa eskwelahan nga inyong gilabanan. Kay ngano? Karon lang gyud kitang panahona magpagoryo-goryo nga "goryo" naman kitang daan?
Akong usbon nga panahon nang angkonon nato ang realidad nga ang CESAFI wala'y gilabanan kay dili kini team, ngalan kini sa lega. Wala pa kita makadungog nga dunay skedyul nga CESAFI Bulls vs. CAAA Thunder. Nakasabot ako sa gibati sa mga napildeng team ug pananglit sila pa maoy nagsige og daog, 100 porsiyento ako nga dili kana sila moreklamo. Usa lang kini ka matang sa "sour graping"--- kay dili man ninyo makuha ang tam-is nga ubas, aw siyempre aslom kana siya ug di nalang kuhaon.
MISCELLANEOUS. Belated fiesta yesterday (August 30), to the people of barangay Mambaling. I missed the game between the UC Junior Webmasters against the CEC Dragons which went down the wire with the former escaping with a 66-65 win, the closest yet in the juniors level. With their victory, the Junior Webmasters (5-2) are now inching closer to officially landing into the top 4 comes the quarterfinal round.
Coach Brad Samonte once again saw the fruit of his labor in training the players and the hardwork and discipline of his players.