CEBU, Philippines - Ang Central Visayas leg sa Shakey’s Girls Volleyball League Season 13 mosikad na karong hapon diha sa Cebu City Sports Institute gym sa Barangay San Nicholas, ning dakbayan.
Napulo ka mga teams nga gipangulohan sa defending champion University of San Carlos ug runner-up University of San Jose-Recoletos ang magsangka sa gikaintapang korona karong tuiga.
Lain pang mga entrante mao ang Southwestern University, Sacred Heart School-Ateneo de Cebu, Sacred Heart School Hijas de Jesus, University of Southern Philippines Foundation, University of Cebu, St. Theresa’s College, Southcrest School ug Don Gerardo Ouano Memorial National High School.
Ang mga partisipante buwagon sa duha ka brackets nga adunay tagilma ka teams. Moduwa sila ubos sa single round robin format sa eliminasyon diin ang top two matag bracket moabante sa crossover semifinals.
Ang mga mananaog maoy magtige sa kampiyonato ug ingon man sa katungod aron morepresentar sa rehiyon sa Shakey’s GVL League of Champions karong Nobiyembre didto sa Biñan, Laguna. (BANAT NEWS)