CEBU, Philippines – Maoy napiling bag-ong presidente sa Minglanilla Tennis Club kon MILTA si Rolando Ang.
Nanumpa ang mga bag-ong opsiyales sa MILTA pinangulohan ni Ang atubangan ni Minglanilla vice-mayor Robert "Jojo" Selma sa usa ka yanong selebrasyon didto sa MILTA clubhouse nga nahimutang duol lang sa Minglanilla gym.
Ang gipapanumpa mao silang Ang, bise presidente nga si Jun Cabalhag, secretary Luvert Cahin, treasurer Jun Selgas, auditor Ben Zozobrado, PIO Pabling Hernandez, peace officer Roque Araula, court manager Ihang delos Reyes ug mga advisers nga silang Onec Enad, past president Gen. Alex Abadinas, Ello Vasquez, Esoy Canoneo ug Lolong Aldepuela.
Sa iyang mensahe, nagkanayon si vice-mayor Selma nga naglaraw siya nga iyang ibalhin ang tennis court ngadto sa may maanindot nga pwesto nga adunay clubhouse nga kumpleto sa mga tennis facilities.
Sa kasamtangan, mipasalig si Selma nga suportahan kanunay sa Minglanilla LGU ang nga tennis players sa MILTA ug motabang siya sa pagpalambo ug pagmentenar sa tennis court lakip na ang re-painting niini. (BANAT NEWS)