CEBU, Philippines – Hingpit nga miabante ang defending champion Purefoods Star Hotshots sa semifinals human nila giharus ang Alaska Aces, 96-89, sa Game-2 sa ilang 'best-of-three' quarterfinals series kagahapon didto sa Smart Araneta Coliseum.
Si Denzel Bowles miburak og 32 puntos ug 10 rebounds, samtang si Joe Devance ug Mark Barroca mipuntos og 16 ug 14 puntos alang sa Purefoods nga milabaw og 20 puntos, 75-55, sa fourth quarter.
Hinuon wa damha nga daling mapapas sa Aces ang maong dakung labaw ug miduol sila, 84-90, apan wala tugti sa Purefoods nga mailog ang labaw dihang subli silang mihimo og rally isip panapus.
Sa maong kadaugan, ang Purefoods makigbangga sa Talk N' Text Tropang Texters sa usa ka 'best-of-five' semifinals series.
Mas inilog gihapon ang Purefoods tungod kay sila ang defending champion, bisan pa og No.2 seed ang Texters human sa elimination round. (BANAT NEWS)