CEBU, Philippines – Daku ang kahigayonan sa Pilipinas nga maoy mo-host sa 2019 FIBA World Cup, ang labing dakung basketball tournament sa kalibotan human gipahibalo nga usa ang nasud nga gipilian.
Ang FIBA Central Board mitangtang sa ubang ambisyosong mga nasud ug ang Pilipinas ug China na lang ang mag-ilog sa katungod pag-host sa maong event.
Positibo ang mga kadagkoan sa Samahang Basketbol ng Pilipinas (SBP) nga maangkon nila ang hosting right sa maong event.
Sa miaging buwan, pipila ka mga sakop sa FIBA ang mibisita dinhi sa nasud aron susihon ang mga binyu diin posibleng ipahigayon ang mga duwa sa World Cup. Nakakuha og positibong komento ang nasud gikan sa FIBA ug gawas sa binyu, mibilib sab ang FIBA sa grabeng kamahiligon sa mga Pinoy og basketbol. (BANAT NEWS)