CEBU, Philippines – Nahayagan og balik ang dalan sa Kia Carnival paingon sa playoffs human nila gibiktima ang laing lig-ong koponan Alaska Aces, 103-89 sa PBA Commissioner’s Cup kagabii didto sa Smart Araneta Coliseum.
Human sa ilang 1-10 nga rekord sa miaging All-Filipino Cup, ang Kia may purohan nga mopakita og labok sa playoffs karon nga conference human nila nasakmit ang ikaupat nilang daog sud sa siyam ka duwa.
Kulba kaayo ang Kia ni playing coach Manny Pacquiao kay pulos mga lig-on koponan ang ilang gipangbihag sama sa San Miguel Beermen, Purefoods Star Hotshots, Talk N’ Text Tropang Texters ug ang Aces. Gikan sa kuwatro puntos nga bentaha sa first half, 53-49, ang Kia miratsada sa pagtimon ni import PJ Ramos. Ang Carnival miposte’g 75-65 nga labaw sa nahabiling dos minutos sa third period ug gikan didto wala na nila lingia pa ang Alaska.
Si Ramos mihimo’g double-double pinaagi sa iyang 36 points ug 33 rebounds, samtang si Karl Dehesa miamot og 14 puntos alang sa Kia. (BANAT NEWS)