CEBU, Philippines – Ang mga duwa sa Central Visayas Regional Athletic Association (CVIRAA) Meet kumbatihan na dayon sa dili pa ang pormal sa seremonyas sa pagbukas sa maong torneyo sud ning bulana didto sa lungsod sa Balamban.
Magsugod ang aksiyon unya sa Pebrero 25 o usa ka adlaw sa dili pa sugdan ang maong usa ka semanang kompetisyon alang sa mga school-based athletes sa elementarya ug sekondarya.
Gawas sa swimming nga anha ipahigayon sa Cebu City Sports Center (CCSC), ang tanan nga mga duwa adto banatan sa Balamban ug sentro sa mga binyu mao ang Mayor E.S. Binghay Sports Center.
Miabot ngadto sa 21 ka mga events ang duwaon, tulo niini pulos demonstration sports nga naglangkob sa futsal o indoor football alang sa secondary girls ug ingon man wrestling ug wushu sa sekondarya.
Ang mga regular medals daugon sa athletics, archery, badminton, baseball, basketball, billiards, boxing, chess, football, gymnastics, sepak takraw, softball, swimming, tennis ug volleyball. (BANAT NEWS)