CEBU, Philippines - Agi’g tampo alang sa kampanya pagsumpo sa ilegal nga drogas, ang RPSB-7 mosuporta sa Police Regional Office (PRO)-7 sa ipahigayong fun run ug fun bike karong Enero 31 didto sa Sibonga Boulevard, kilid sa Sibonga Wharf sa lungsod sa Sibonga, Cebu.
Sa tema nga “Tindak-Dagan batok sa Ginadiling Droga,” ang lumba bukas sa tanan nga interesadong mosalmot sa maong mahinungdanon nga kalihukan sa PRO-7.
Libre ang registration niini, apan giawhag sa organizers ang mga partisipante sa pagsul-ob og athletic attire (blue ‘pulis’ shirt og short) alang sa PNP, samtang appropriate athletic attire alang sa civilian.
Unang buhian ang 25K fun bike sa alas-5:30 sa buntag ug isunod sab dayon ang pagbuhi ang 5K fun run inig alas-5:40.
Sa dili pa ang lumba, adunay pagahimuong mubo nga programa. Unhan kini sa invocation sa pagpangulo ni PO1 Louresier Tomaquin, dayon recognition sa mga partisipante ug warm-up exercise (zumba).
Si PCI Clark Suarez Arriola, ang chief PCR officer, RPSB7 moyagyag sa statement of purpose.
Human sa lumba, himuon sab ang cool down exercise (zumba) ug ingon man recognition of participants.
Sila si PRO7 Regional Director PCSupt Prudencio Tom Talapian Bañas ug Sibonga Municipal Vice Mayor Cirilo P. Apuda nga ipaila ni RPSB7 Battalion Commander PSSupt Clifford Bajarias Gairanod mohatag sa tagsa-tagsa nila ka mensahe.
Ang raffle draw maoy motapos sa maong kalihukan. (BANAT PALARO)