CEBU, Philippines - Ginganlan na sa NBA ang ilang mga starters alang sa Western ug Eastern Conference All-Star sa umaabot nga 2015 All-Star Game unya sa Pebrero 15 didto sa Madison Square Garden sa New York City.
Ang guard sa Golden State Warriors nga si Stephen Curry maoy mangu sa West uban nilang Kobe Bryant sa Los Angeles Lakers (17 times consecutive), Anthony Davis sa New Orleans Pelicans (second time, first as a starter), Marc Gasol sa Memphis Grizzlies, (second selection) ug Blake Griffin sa Los Angeles Clippers (fifth time, fourth as a starter).
Apan si Bryant wa’y segurong makaapil tungod sa piang sa iyang tuong abaga ug ang star sa Houston Rockets nga si James Harden maoy posibleng mopuli kaniya.
Nangu sa East starters mao si LeBron James (11th selection) sa Cleveland Cavaliers, Carmelo Anthony sa New York Knicks, (eighth selection), Pau Gasol sa Chicago Bulls (fifth selection-first as a starter gikan sa 2011), John Wall sa Washington Wizards (second time, first as a starter) ug Kyle Lowry sa Tornonto Raptors (first selection sa siyam ka season).