CEBU, Philippines - Tapuson na karong adlawa ang Sinulog Cebu City Mayor’s Cup 10-Ball Billiards Tournament diha sa Jancor Billiards Hall sa dalan V. Gullas, ning siyudad.
Ning pagsuwat sa alas-5 sa hapon, wala pa mosulod ang kanhi World Pool 8-9 ball ug 9-ball champion ug usa sa labing maayong cue artist sa tibuok nasud nga si Ronnie ‘The Volcano’ Alcano tungod kay kinahanglan pa siyang modaug og laing usa ka duwa sa dili pa siya hingpit nga makaangkon og luna sa Top 16.
Ang makampiyon sa maong torneyo ubos sa promoter niining si Lorenzo ‘Chao’ Sy, makadawat og P70,000, ang second placer makaangkon og P30,000, samtang ang third ug fourth placers mobulsa’g P10,000 matag usa. Usa sa gituohan nga mokampiyon sa maong torneyo mao ang Sugbuanong si Anthony Raga.