CEBU, Philippines - Nakasud na ang Snr. San Roque sa playoffs dihang ilang gilubong ang San Miguel Cliques, 54-37 sa mini division sa Inter-Color Lorega Echavez Youth Council Sinulog Cup 2015 basketball tournament didto sa Brgy. Lorega gym, ning siyudad.
Si Carl Codilla mikabkab og 35 puntos, samtang si Shan Libradilla miamot og 14 puntos alang sa San Roque nga milubong og taga-liog sa San Miguel sa first half sa iskor nga 32-7. Bugtong si Andre Tajura ang misidlak alang sa San Miguel sa iyang 23 puntos.
Nakasud sab sa playoffs ang Gawad Kalinga Phantom human sab nila gilubong ang Birhen sa Barangay Youth Organization, 86-65. Nangulo sa GK Phantom mao sila si Jeffrey Mabaga ug Vicmarro Manatad nga adunay 28 ug 22 puntos matag usa. (BANAT NEWS)