CEBU, Philippines - Mipabuto og 30 puntos si Jun-Jun Yu aron maoy mangu sa Riverside pagpukan sa Sta. Cruz, 66-56 sa midget division sa Inter-Color Lorega Echavez Youth Council Sinulog Cup 2015 basketball tournament didto sa Barangay Lorega gym, ning siyudad.
Ang init nilang fourth quarter rally maoy nahimong yawi sa kadaugan sa Riverside diin mihimo sila’g 15-4, ang otso puntos niini gikan ni Yu.
Laing mirehistro og double figures sa Riverside mao si CJ Rosello sa iyang 17 puntos , samtang sila si Edward Baguhi ug Meloy Alinabon nagkumboya’g 11 puntos.
Ang pilderong Sta. Cruz gipangulohan nilang Rudy Samonte ug Manny Fernandez nga adunay 18 ug 14 puntos matag usa.
Sa laing duwa,ang Lorega Proper Youth Organization miiskor sab og daog batok Birhen sa Barangay Youth Organization sa iskor nga 62-59. (BANAT NEWS)