CEBU, Philippines - Mipugnit og daog ang Snr. San Roque ug Lorega Echavez sa tagsa-tagsa nila ka duwa sa mini division sa Inter-Color Lorega Echavez Youth Council Sinulog Cup 2015 basketball tournament didto sa Brgy. Lorega gym, ning siyudad.
Ang SSR milubong sa Gawad Kalinga Phantom 39-18, samtang gilubong sab sa LEYC ang Lorega Proper Youth Organization, 36-21.
Depensa maoy nahimong yawi sa kadaugan sa SSR dihang duha lang ka players sa Gawad Kalinga ang ilang gitugtan nga makaiskor. Sila si James Parlingayan ug Nicco Pancho mao lang ang nakaiskor alang sa Gawad Kalinga nga nagkumboya’g 18 puntos.
Si Carl Codilla mipabuto og 18 puntos aron pangulohan ang SSR, samtang si Arbey Condenera miamot og nuybe puntos.
Sa ilang bahin, ang LEYC gipangulohan ni Patrick Del Castillo nga miiskor og 14 puntos, samtang si Claudio Helarcosa adunay siyete puntos alang sa LPYO. (BANAT NEWS)