CEBU, Philippines – Gipilde sa Caimeto Community Organization ang Upper Lomar, 79-74 sa midget division sa Inter-Color Lorega Echavez Youth Council (LEYC) Sinulog Cup 2015 basketball tournament didto sa Barangay Lorega gym, ning siyudad.
Nagtabla ang duha 15-all sa first period, apan ang Caimeto mibwelo sa ikaduhang kuwarter diin mi-rally sila 15-5 aron moposte’g 30-20 nga bentaha sa hinapos nga bahin sa first half.
Sa paningkamot nila ni Alven Luchavez ug John Olmilla, kinsa nagkumboya’g 59 puntos, nakontrolar sa Caimeto ang duwa bisan pa sa pipila ka higayon nga mihulga ang Upper Lomar .
Si Ivan Pocdol maoy nangulo sa Upper Lomar sa iyang 25 puntos.
Sa laing duwa, ang Mother of Perpetual Help mipilde sa Birhen sa Regla-Sereas, 53-30.
Si Damaso Tejas maoy leading scorer sa MOPH sa iyang 13 puntos, samtang si Ledyn Villarde adunay 12 puntos alang sa BSR. (BANAT NEWS)