CEBU, Philippines – Ang Man and Machine Supercross Series mopahigayon sa ilang katapusang leg sa tuig 2014 karong weekend didto sa Lipata, Minglanilla.
Tungod kay mao kini ang katapusang leg sa malampusong motocross series, ang mga riders gipaabot nga mopakita sa tanan nilang abilidad atubangan sa mga motocross fans.
Krusyal ang last leg ilabi na ngadto ni multi-titled Jon-Jon Adlawan sa Man and Machine Racing Promotions nga maoy nag-unang kandidato alang sa “Rider of the Year” award. Lig-ong karibal niya sa maong award mao sila si Rhowell ‘Bornok’ Mangosong sa Mindanao ug Jubenille Abellar.
Mosalmot sab ang mga elite riders gikan sa Hungary, Denmark, United States ug Malaysia.
Gawas sa pro open, laing kategoriya nga tigian naglakip sa pro lite, beginners, local enduro, open enduro, executive A, B ug C, novice, intermediate, women’s ug team race. (BANAT NEWS)