CEBU, Philippines – Tinguha sa San Miguel Beermen nga masakiyo ang No. 2 seed sa standing karon nga nagkaduol na ang playoffs sa 2014 PBA Philippine Cup.
Ang Beermen moharong sa GlobalPort Batang Pier sa alas-4:15 didto sa Smart Araneta Coliseum.
Ang Beermen adunay 6-1 win-loss record ug ang ilang kadaugan karon moagak kanila ngadto sa ikaduhang dapit sa standing nga giharian sa Alaska Aces (7-1), ang koponan nga nakapilde kanila.
Sa main game, sa alas-7 sa gabii, magsangka sab ang NLEX Road Warriors ug Rain or Shine Elasto Painters nga pulos sab mopalig-on sa ilang posisyon sa playoffs spot. (BANAT NEWS)