CEBU, Philippines – Parehong mikulit og managlahing kadaogan ang Rollway-Petracorta Brokers ug ang Transwise kaniadtong Huwebes sa nagpadayon nga 3rd season sa BOC-CIPU Friendship Cup basketball tournament didto sa barangay Tinago gym, ning dakbayan.
Ang Rollway-Petracorta, midaog batok sa Avenido Brokers, 109-92 samtang gilubong sa Transwise ang Global Carrier, 96-71. Walay daog ang Global sa tanang 11 ka duwa sa elimination ug may tulo ka daog ang Avenido kinsa mitapos sa elimination round sa ilang 3-8 nga baraha.
Silang Takloy Moral ug Reden Villaronza maoy nangu sa Rollway-Petracorta sa ilang 25 ug 20 puntos matag usa samtang si Jim Villa mihakot og 23 puntos aron pangulohan ang Avenido Brokers.
Sa laing duwa, lima ka players sa Transwise ang mibahug og double figures diin mas balanse sab ang ilang scoring kung itandi sa Global nga duha lang ka players ang mihimo'g double digits.
Matapos na karong semanaha ang elimination round diin ang tanang team mopailawon og 11 ka duwa.
Puntos matag usa:
First Game:
Rollway-Petracorta (109) — Moral 25, Villaronza 20, Pianar 14, Sagario 9, Palero 8, Solidarios 7, Palad 6, Pepito 6, Sagarino 3, Ollovesw 3, Generalo 3, Petracorta 2.
Avenido (92) — Villa 23, Quilantang 22, Avenido 15, Arevalo 15, Nudalo 6, Zoilo 6, Merino 2, Jordan 2, Duenas 2, Pangatungan 2.
Second Game:
Transwise (96) — Ruiz 19, Sasing 16, Alaan 13, Tejeno 12, Tiro 11, Degamo 7, Castillo 5, Tandas 2.
Global (71)— Encabo 14, Oquias 10, Espina 9, Caynilla 8, Banghal 8, Diaz 6, Castro 5, Rina 4, Mabanque 3, Engracial 2. (GGM) (BANAT NEWS)