CEBU, Philippines - Giharos sa University of San Carlos (USC) Spiking Warriors ang “best-of-three” finals series aron sakmiton ang secondary titles sa volleyball event sa 14th Cebu Schools Athletic Foundation Inc. (CESAFI) kagahapon didto sa Aznar Coliseum, ning siyudad.
Ang USC mikompleto sa two-game sweep batok sa University of Southern Philippines Foundation (USFP) sa iskor nga 25-19, 25-21, 25-20 aron mapanalipdan ang ilang titulo sa boys division.
Gumikan niini, ang USC spikers ni coach Junrey Sasing may purohan nga morepresentar sa Sugbo sa regional eliminations sa Batang Pinoy sa Iloilo ning semanaha.
Sa duwa alang sa ikatulong dapit, ang University of San Jose-Recoletos mipukan sa Don Bosco Technology Center (DBTC), 25-15, 25-19. (BANAT NEWS)