CEBU, Philippines - Mag-abot na ang mga tang-ang chess players sa ipahigayong 1st Sagay City Open Chess Tournament sugod karong adlawa didto sa Balay Kauswagan Hall sa Barangay Poblacion I sa nahisgutang siyudad sa Negros Occidental.
Pangulohan kini ni National Masters Merben Roque, Arnold Cadiz ug Leonardo Alindani.
Ang lain pang lig-ong contenders sa duha ka adlaw nga kompetisyon nga nagtanyag og P50,000 nga ganting salapi mao silang Edcel Montoya, Anthony Makinano, Peterson Sia, Michael Pagaran ug Marc Alunan ug uban pa.
Gipaluyohan sa kagamhanan sa siyudad sa Sagay, ang 7-round Swiss system competition gimugna uban sa abag sa Barangay Poblacion I pinaagi ni Candido ‘Coycoy’ Lepiten ug Punong Barangay Chairman Bienvenido Fernandez Sr.
Ang mga duwa pagadumalaon ni FIDE Arbiter Marvin Y. Ruelan.
Alang sa dugang mga kasayoran, mahimong mokontak ni Hon. Monina C. Candelario sa 0936-9158659, Hon. Loremer V. Dilag sa 0920-6955408, Candido "Coycoy" Lepiten sa 0927-2844404, Rito A. Penano sa 0918-6286743 o di ba ni Marvin Ruelan sa 0932-7152411/0926-7352951.