CEBU, Philippines – Ang amateur boxer nga si Ian Refuela ug ang batan-ong runner nga si Mary Joy Loberanes maoy labing dakung mananaog sa MAPFRE Run-Run for Road Safety niadtong Domingo diha sa Plaza Independencia.
Si Refuela, ang notadong amateur boxer sa Sugbo maoy nag-una sa 3K men’s open human niya gitapos ang lumba sud sa siyam ka minutos ug 55:10 segundos. Gilupig niya sila si Fritz Anor (10:10) ug Rolan Batiancila (10:18).
Sa iyang bahin, ang garbo sa University of San Carlos (USC) nga si Loberanes mao sab ang mihawod sa women’s class sa oras nga 11:46, gisundan nila ni Cheryl Leslie Co (16:03) ug Dania Jabiness (17:57). Sa all-student’s 3K run, si Gerald Baloro maoy nag-una sa oras nga 14:11, samtang sila si Alvin Emperia (14:1.36) ug Jay Mark Bangalisan (14:2.83) mipahiluna sa ikaduha ug ikatulo nga dapit. Sila si Robert Daang ug Ruffa Sorongon maoy midaog sa 12K open sa oras nga 41:16.81 ug 50:33.42. (BANAT NEWS)